ဇနီးသည်ကတဆင့်ကူးစက်ခံရတဲ့ COVID-19 လူနာအမှတ် ၁၇ ပေါက်ခေါင်းမြို့နယ်ဒုအုပ်ချုပ်ရေးမှူးသေဆုံး ဒီစာမျက်နှာ Facebook ဒီစာမျက်နှာ WhatsApp ဒီစာမျက်နှာ Messenger ဝေမျှပါ


အတည်ပြုလူနာဖြစ်တဲ့အတွက် လူစုလူဝေးနဲ့ အသုဘအခမ်းအနားလုပ်ခွင့်ပြုမှာမဟုတ်ဘဲ ဆေးရုံကနေ တိုက်ရိုက်ပို့ဆောင်ပေးမှာဖြစ်ဓာတ်ပုံ မူပိုင်PAUK KHAUNG HOSPITAL
Image captionအတည်ပြုလူနာဖြစ်တဲ့အတွက် လူစုလူဝေးနဲ့ အသုဘအခမ်းအနားလုပ်ခွင့်ပြုမှာမဟုတ်ဘဲ ဆေးရုံကနေ တိုက်ရိုက်ပို့ဆောင်ပေးမှာဖြစ်
ပြည်ဆေးရုံကြီး အထူးကြပ်မတ်ကုသဆောင်မှာ ကုသပေးနေတဲ့ လူနာအမှတ်(၁၇)ဟာ ဒီကနေ့ ဧပြီ ၈ရက်နေ့ မနက် ၃နာရီ မိနစ် ၄၀ မှာ သေဆုံးသွားခဲ့တယ်လို့ ပဲခူးတိုင်းဒေသကြီး ကျန်းမာရေးဦးစီး ဌာန၊ တိုင်းဦးစီးမှူး ဒေါက်တာအေးငြိမ်းက ဘီဘီစီကို အတည်ပြုပြောဆိုပါတယ်။
ပေါက်ခေါင်းမြို့နယ် ဒုတိယအုပ်ချုပ်ရေးမှူး (လူနာအမှတ် ၁၇ )ဟာ SOS ဆေးခန်းက သူနာပြု ဇနီးဖြစ်သူ လူနာ အမှတ် ၁၅ ကနေ ကူးစက်ခံခဲ့ရတာဖြစ်ပြီး ဧပြီ ၂ ရက်နေ့မှာ ဓာတ်ခွဲအတည်ပြုပိုးတွေ့ လူနာအဖြစ် သတ်မှတ်ခံခဲ့ရတာဖြစ်ပါတယ်။
" မနက် ၃နာရီ၄၀ လောက်က အထူးကြပ်မတ်ခန်းထဲမှာဆုံးသွားပြီလို့သိရတယ်။ မနေ့တနေ့ကထဲက အခြေအနေကကောင်းလာလိုက် ဆိုးလာလိုက်ဖြစ်နေတော့ ရန်ကုန်ကလည်း အထူးကြပ်မတ်ခန်းနဲ့ ပတ်သက်ပြီး မေ့ဆေးပရော်ဖက်ဆာတွေလည်း ၃ယောက်လောက်လာပြီးအားဖြည့်ပါတယ်။ မနေ့က သက်သာလာပြီး ည ၁နာရီလောက်ကျတော့ ပြန်ဖောက်လာတာ''လို့ ဒေါက်တာအေးငြိမ်းက ပြောပြပါတယ်။

သေဆုံးရတဲ့အကြောင်းအရင်း

လူနာ သေဆုံးရတဲ့အကြောင်းအရင်းကတော့ COVID-19ကြောင့်လို့ ပြောလို့ရနိုင်တယ်လို့လည်း ဒေါက်တာအေးငြိမ်းက ပြောပြပါတယ်။
' ' ကိုဗစ်ကြောင့် အဆုတ်နဲ့နှလုံးက အလုပ်မလုပ်တော့တာပေါ့။ သွေးဆိပ်တက်တာလည်းပါတယ်။ အတွင်းကလီစာတွေပုံမှန်အလုပ်မလုပ်တော့ဘဲ အဆုတ်နဲ့နှလုံးက ရပ်သွားတာပေါ့။''လို့ လူနာအမှတ် ၁၇ သေဆုံးရတဲ့အကြောင်းအရင်းနဲ့ပတ်သက်ပြီး ဒေါက်တာအေးငြိမ်းကပြောပြပါတယ်။
သေဆုံးသူဟာ ရောဂါအတည်ပြုလူနာတစ်ဦးဖြစ်တဲ့အတွက် အသုဘအခမ်းအနားကို လူစုလူဝေးနဲ့ ချခွင့် မပြုဘဲ ဆေးရုံကနေသာ တိုက်ရိုက်ပို့ဆောင်မှာဖြစ်ပြီး PPE ရောဂါကာကွယ်ရေး ဝတ်စုံတွေဝတ်ဆင်ပြီး အသုဘအခမ်းအနားကို ပြုလုပ်သွားမှာဖြစ်တယ်လို့ သိရပါတယ်။
ပထမဆုံးအနေနဲ့ မိသားစု ၄ ဦးလုံး ပိုးကူးစက်ခံရသူ မိသားစုလည်းဖြစ်ခဲ့ဓာတ်ပုံ မူပိုင်MOHS
Image captionပထမဆုံးအနေနဲ့ မိသားစု ၄ ဦးလုံး ပိုးကူးစက်ခံရသူ မိသားစုလည်းဖြစ်ခဲ့

လူနာအမှတ် ၁၇ ရဲ့ မိသားစုဝင်တွေရဲ့ကျန်းမာရေးအခြေအနေ

လူနာအမှတ် ၁၇ နဲ့အတူ အသက်၈ နှစ်အရွယ်သမီး၊ အသက်၁၀ နှစ်အရွယ်သားဖြစ်သူနဲ့ အသက် ၁၈ နှစ် တူမဖြစ်သူတို့လည်း COVID-19 ပိုးတွေ့လူနာတွေအဖြစ် ပြည်ဆေးရုံမှာ တက်ရောက်ကုသနေရ တာဖြစ် ပါတယ်။
'' ကလေးတွေကတော့ အခုထိ ကျန်းမာရေးကောင်းကြပါတယ်။ ဧပြီ ၂ရက်နေ့မှာတက်တာဆိုတော့ ၁၀ရက်နေ့လောက်မှာတော့ သူတို့ကို ပြန်ပြီးတစ်ခါထပ်စစ်ဖို့ရှိတယ်။ ၃ယောက်လုံးတကယ်လို့ နဂ္ဂတစ်ဖြစ်တယ်ဆိုရင်တော့ ၂ရက်ခြားပြီးထပ်စစ်မှာပေါ့။ မန္တလေးကလူနာလိုပေါ့။ အဲလိုအခြေအနေမျိုးရအောင်စောင့်ရမှာပေါ့''လု့ိ ပဲခူးတိုင်း ကျန်းမာရေးဦးစီးဌာန တိုင်းဦးစီးမှူးဖြစ်သူ ဒေါက်တာအေးငြိမ်းကရှင်းပြပါတယ်။
ပြည်ဆေးရုံမှာတက်ရောက်ကုသနေတဲ့ မိသားစုဝင် ၃ဦးလုံးကျန်းမာရေးကောင်းမွန်နေပေမယ့် မိခင်ဖြစ်သူ လူနာ အမှတ် ၁၅ ဟာကျန်းမာရေးအခြေအနေမသက်သာသေးတဲ့အတွက် ရန်ကုန်မြို့ ဝေဘာဂီဆေးရုံကြီး အထူးကြပ်မတ်ကုသဆောင်မှာပဲ ကုသမှုခံယူနေရဆဲဖြစ်တယ်လို့ ကျန်းမာရေးဝန်ကြီးဌာနရဲ့ ထုတ်ပြန်ထားချက်တွေအရသိရပါတယ်။
မြန်မာနိုင်ငံမှာ COVID-19 အတည်ပြုလူနာ ၂၂ဦးနဲ့ သေဆုံးသူ ၂ဦးရှိလာပြီဖြစ်ပါတယ်။

#ခရက္ဒစ္ BBC

Comments